الحق ؟؟؟زوجتك فى المطبخ!!

من طرف justin beiber الأحد أغسطس 22, 2010 9:03 pm

يستيقظ الرجل صباحا على السرير الأبيض النظيف وشعاع الشمس ضارب في عينيه،

ويمسح وجهه بيده استعدادا للفوقان ثم ينزل من على السرير

وهو يرتدي التي شيرت البادي الأبيض

مع شورت كاروه قصير ويبحث عن زوجته ليجدها في المطبخ

تجهز التوست والجبن المطبوخ

وترتدي فقط تيشيرت أبيض طويل يصل حتى فوق الركبة بعشرين سنتيميتر وترتدي فوقه

مريلة مطبخ ربما أطول من التيشيرت الأبيض من الأمام ثم يقف الرجل خلفها مباشرة ويقبلها

ويرمي نفسه على الكرسي المجاور لترابيزة المطبخ ليصنع الكابتشينو حتى يصحصح.

كل هذا بالطبع لا يحدث في الواقع،

ولكن يحدث فقط في الأفلام والمسلسلات الأجنبية

التي يتربى عليها الرجل ويعتقد أنه فور زواجه سيفعل ذلك وستكون زوجته على هذه الشاكلة،

ولكن الصورة الواقعية ستختلف تماما عن الصورة السابقة،

فسوف يستيقظ الرجل من تحت اللحاف المشجر

ويجد الحجرة ضلمة كحل لا داخلها شمس ولانور

لأن زوجته مقفلة الشبابيك عشان محدش يجيله نزلة برد رغم أن نزلة البرد مكمكمة في المنزل

ونفسها تلاقي باب شباك اتفتح عشان تخرج منه،

ثم يمسك الرجل أنفه بسبب ريحه البصل وغلي اللحمة وهبو المطبخ

ثم ينزل من على السرير وهو يرتدي ترينج التوحيد والنور ليذهب إلى زوجته في المطبخ

لتنظر له نظرة الضحية للذئب البشري وكأنه السبب في العيشة الضنك،

ثم تحدف له الفوطة المتسخة المصرية الشهيرة وتقول له ارفع اللحمة من ع النار

فهي تجهز طعام الغداء منذ الصباح،

وبالطبع كل ذلك وهي ترتدي جلابية وتحتها بنطلون وتيشيرت هاي كول صوف

لو تمعنت النظر ستجد بين الكلمات ما نفتقد اليه حقا

اهتمام المراه بنفسها في المنزل وخلق جو من الرومانسيه والهدوء

لا شك ان هناك ما ترفضه عاداتنا

ولكن لا خلاف ان هناك ما نفقده لاهمالنا واستهتارنا ونعاني منه الكثير في حياتنا

من طرف omneya الأحد أغسطس 22, 2010 9:30 pm

ههههههههههههه هودا البيحصل بس مش بلظبط اوي هي اه بتطبخ بس هو مش بيعمل حاجه وهي اكيد مش بتحبه يخش المطبخ وهي بتعمل الاكل

من طرف **Admin** الأحد أغسطس 22, 2010 9:45 pm

هيا دى غلطة اغلب الزوجات المصريات
وهو دا السبب ف طفشان الزوج من البيت
بعد الشهر الاول من الزواج
ياريت تكونو فهمتو قصد شوشو من الموضوع دا
تسلمى يا شوشو هنحاول نخلى بالنا بعد كدا

من طرف noor الأربعاء أغسطس 25, 2010 4:04 pm

هههههههههههههه
الموضوع حلو اوى
ايه يا ستات مصر مش عارفين تتعلموا من الافلام
بس يا شروق اللى بتشوفيه ف الافلام مش حقيقى ع فكره
الراجل بيكون صاحى يهرش ف راسه والست بتبقى عنيها منفخه وحالتها بتبقى بالبلى
الست بس تحاول ع قد ما تقدر انها تروش نفسها شوى

الحق ؟؟؟زوجتك فى المطبخ!!

الحق ؟؟؟زوجتك فى المطبخ!!

رد: الحق ؟؟؟زوجتك فى المطبخ!!

رد: الحق ؟؟؟زوجتك فى المطبخ!!

رد: الحق ؟؟؟زوجتك فى المطبخ!!